Isang Taon Na Po Ang “Pinoy Po!”

Pinoy Po! Ep.17: Abril 4, 2007 ng aking simulan ang “Pinoy Po!” bilang isa sa mga “department/category” sa aking blog. At heto ngayon, isang taon na siya! Happy Anniversary! Hehehe. At tulad ng aking naipangako (kanino?!?), ay magbabalik tanaw ako sa lahat ng “Pinoy Po!” blog entries ko sa nakaraang taon.

Nakakatuwa kapag dumadating ang mga ganitong klase ng pagkakataon. Ako kasi yung klase ng tao na medyo madaling magsawa sa isang bagay kapag hindi na ako masaya dito. Pero pag nagustuhan ko talagang gawin ang isang bagay, talagang paglalaanan ko siya ng panahon, katulad na lamang ng blog na ito, at ng Pinoy Po!. Hehe. Kaya ko ginawa ito ay dahil gusto kong maging aware na marami pa ring rason para maipagmalaki natin na tayo ay Pinoy. 

Ep.1: Holy Week Ng Mga Pinoy (April 4, 2007)
Ep.2: Paghahanda Sa Eleksyon 2007 (April 13, 2007)
Ep.3: Ang Mga Holidays Sa Pinas (April 30, 2007)
Ep.4: 4 Na Araw Bago Ang Eleksyon (May 10, 2007)
Ep.5: Hunyo Na! (June 1, 2007)
Ep.6: Proud Pinoy Po Ako! (July 24, 2007) 
Ep.7: Magtipid Ng Tubig! (August 14, 2007)
Ep.8: WikiPilipinas (September 4, 2007)
Ep.9: Yabang Pinoy! (October 23, 2007)
Ep.10: Paskong Pinoy Po! (November 12, 2007)
Ep.11: Isang Kinabukasan (November 23, 2007)
Ep.12: And I’m Telling You, I’m Not Going (December 5, 2007)
Ep.13: Maligayang Pasko! (December 19, 2007)
Ep.14: Pinoy Po! 2008 (January 16, 2008)
Ep.15: Pinay Po! Ramiele Malubay & Olivia (March 5, 2008)
Ep.16: Cory, Manny… Pinoy Po… Idol. (March 25, 2008)

Sana ay patuloy pa rin tayong makarinig ng mga balita tungkol sa mga Pinoy na ating maipagmamalaki. Actually, kahit tayo ay kaya nating ipagmalaki ang ating mga sarili, basta lang ay ipagpatuloy at pa natin ang mabuting pagkakakilala sa atin ng ibang mga tao sa buong mundo.

Cory, Manny… Pinoy Po… Idol.

Pinoy Po! Ep.16: Kakasakay ko lang sa bus kahapon pauwi ng napansin ko sa TV ang interview nina Kris at Noynoy Aquino sa 24 Oras. Medyo kinabahan ako kasi alam kong may nangyari kaya sila iniinterview sa TV. Pinatay ko muna saglit ang IPod na ginagamit ko at nanood muna ng balita.

Nakakagulat na si dating Pangulong Corazon Aquino pala ay may colon cancer. Nalulungkot ako kapag nakakarinig ako ng ganoong klase ng balita. Kumbaga, apektado talaga ako.

Ika nga, isantabi muna sana ang pulitika at ipagdasal natin ang paggaling ni Cory.

Kakauwi lang ni Manny Pacquiao kahapon mula sa matagumpay nitong laban noong March 16. Medyo kontrobersyal ang pagkapanalo ngayon ng ating pambansang kamao dahil may mga sports analysts na nagsasabi na dapat ay nanalo si Marquez. Ang iba naman ay naniniwala na si Pacquiao talaga ang panalo. Sabi naman ng iba na malaking puntos kay Pacquiao na napabagsak niya si Marquez sa Round 3 ng laban nila. Dikit ang laban. Pareho silang magaling.

Pero sa kabila ng lahat, ang mahalaga ay nakapagdala uli ng karangalan para sa ating bansa si Manny. Sabi nga nila, tuwing may laban daw si Manny ay 0% crime rate sa pinas, walang trapik, at nagkakaisa raw ang mga Pilipino.

Sa April 5, 2008 ay magsisimula na ang “Pinoy Idol” sa GMA-7. Ito ang pinoy version ng sikat na sikat na “Idol franchise”. Ang mga judges ay sina Ogie Alcasid, Jolina Magdangal, at Wyngard Tracy. Si Raymond Guttierez naman ang host nito. Pagkakataon na ng mga Pinoy para idolohin. Katulad ng Pinoy Big Brother at Pinoy Dream Academy, kaabang-abang ang mga pinoy version ng ganitong klase ng mga programa dahil gusto natin kung paano ito ieexecute dito sa pinas. Siyempre, ipinapakita rin sa mga ganitong klase ng palabas na kaya rin ng mga pinoy na makipagsabayan sa iba’t-ibang mga bansa.

Sa April 4, 2008 naman ay isang taong anibersaryo na ng aking “Pinoy Po!”. Ang bilis ng panahon. Isang taon na pala. Hehehe. Sa araw na yon ay babalikan natin ang lahat ng episodes ng “Pinoy Po!” sa nakaraang isang taon. 

Pinay Po! Ramiele Malubay & Olivia

Pinoy Po! Ep.15: Lalong sumikat sa mga Pinoy ang “American Idol” ng mapabilang bilang mga kalahok sina Jasmine Trias at Camille Velasco noong Season 3. Ngayong Season 7 na ng American Idol, ay tiyak na mas marami pang manonood nito dahil sa ito ay mapapanood na sa isang local channel (QTV Channel 11), ito ay nasa primetime, at dahil may isa nanamang Pinay na kalahok - si Ramiele Malubay.

Kapansin-pansin talaga si Ramiele dahil ang hitsura niya ay naiiba sa lahat ng mga kalahok. Mukha talaga siyang Filipina. Pero siyempre, bukod sa hitsura, eh maipagmamalaki rin naman ang kanyang talento sa pag-awit. Wala na sigurong duda doon dahil napasama na siya sa Top 24 ng American Idol Season 7.

Isa yan sa mga rason kung bakit “adik” ako sa panonood ng American Idol ngayon. Sana ay maging maganda palagi ang mga performances niya at sana ay magtuloy-tuloy ito sa pagiging American Idol.

Pindutin Dito!

Si Olivia naman ay isa sa mga bagong Pinay singers ngayon. Pop Jazz naman ang kanyang genre. Naging interesado akong pakinggan ang kanyang album dahil sa ibang genre naman ang kanyang handog para sa ating lahat. (Tulad nung nauso bigla ang Bossa Nova sa Pilipinas)

Hindi lang basta-bastang singer itong si Olivia. Binasa ko ang kanyang Multiply site at marami pa akong nalamang mga bagong bagay tungkol sa kanya which impress me. At bukod pa dun, eh mukhang mabait siya sa mga ordinaryong taong tulad ko na humahanga sa kanya. Kung patuloy na palaging nakatapak ang kanyang mga paa sa lupa, ay siguradong tatagal siya sa industriyang ito, at dadami pa ang hahanga sa kanya.

Pindutin Dito!

Pinoy Po! 2008

Pinoy Po! Episode #14: Marami mang problemang kinaharap ang ating bansa noong nakaraang taon, ay hindi rin naman natin maitatanggi na marami tayong mga kapwa Pinoy na nagdala ng karangalan sa ating bansa - sa sports, sa entertainment, at kung saan saan pa. Siguradong may Pinoy na namumukod tangi sa anumang larangan.

Minsan, napapaisip ako na kung kaya naman ng mga dayuhan na maging kilala sa buong mundo, eh siguradong kayang kaya din ng mga Pinoy. Kung talento lang naman ang pag-uusapan diba, eh marami talagang Pinoy ang mahuhusay. Kulang lang siguro sa exposure at suporta kaya minsan, hindi napapansin sa ibang bansa ang galing ng Pinoy.

Kaya naman nakakatuwa talaga kapag may Pinoy na nakakapasok sa international scene. Kapag ganun, ay parang nabubuhayan tayo ng pag-asa na maraming Pinoy pa ang pwedeng sumunod sa yapak nila, kasi nga alam natin na marami talaga ang magagaling na Pinoy.

Pero sana, hindi lang doon makilala ang Pinoy, sana makilala din ang mga Pinoy na mahuhusay academically. Oo, maraming Pinoy ang nagpapahanga ng mga dayuhan sa ibang bansa dahil sa husay at talino. Pero tignan natin ang sitwasyon ng edukasyon sa bansa natin ngayon. Masasabi ba natin na ito ay gumaganda? Alam ko na kailanman ay hindi namang masasabing pangit ang kalidad ng edukasyon sa ating bansa. Pero sana huwag naman dumating sa pagkakataon na mawala ang kalidad ng edukasyon sa Pilipinas ng unti-unti.

Aminin na din natin na ang tingin sa atin ng iba ay mga domestic helpers. Mahirap naman kasi talaga ang buhay sa ating bansa ngayon, kaya napipilitan na lang ang iba na mangibang bansa. Pero wala namang masama dun diba? Sa totoo lang, maaruga ang mga Pinoy.

Nung isang taon lang ng ipalabas ang kontrobersyal na episode ng Desperate Housewives, kung saan ay tila minata-mata ang mga “medicine schools” sa ating bansa. Marami talaga ang nagalit lalo na’t di naman maikakailang mahuhusay ang mga PInoy doctors and nurses.

Pero napanood ko sa TV, bago daw tayo mag-react, eh tignan muna natin ang ating mga sarili kung hindi din ba tayo nagmamata ng ibang lahi… Diba? Kahit tayo din naman ay ganun sa ibang lahi.

Anyway, sana ay maging maganda ang taong 2008 para ating lahat. Pero siyempre, di rin naman basta-basta mangyayari yun kung hindi tayo magsisipag at magdadasal.

Maligayang Pasko!

Episode #13: Kulang kulang ay isang linggo na lang at Pasko nanaman! Ang bilis talaga ng araw. Parang kailan lang nung nakaraang Pasko. Masaya ang Pasko ko nung nakaraang taon. Unang Pasko kasi na may trabaho ako, kaya unang beses ko rin nakatikim ng 13th month pay. Hehe. Medyo wala ngang natira kasi nakapangako ako na bibili ako ng Magic Sing. Pero okay lang. Masaya naman kasi. Masaya din dahil nakapag-leave ako ng isang linggo sa trabaho noon, kaya nagkaroon ako ng maraming oras na makapiling ang aking mga kamag-anak, lalo na yung mga balikbayan. At yun nga, marami rin kasi kaming mga kamag-anak ang umuwi dahil kasal ng pinsan ko 1 araw pagkatapos ng Pasko. Kaya masaya ang nakaraang Pasko. Dagdag pa doon ay sinurprise visit ako sa bahay ng ilan sa mga kaibigan ko. Hehe.

Ngayon, medyo kakaiba dahil wala akong nakuhang 13th month pay ngayon dahil nga nawalan ako ng trabaho sa kalagitnaan ng taon. Tapos ngayong Disyembre lang uli ako nakahanap ng trabaho. Mabuti at tapos na ang Christmas party nila dito sa bago kong trabaho dahil ako ay nangangamba na baka pagsayawin nila ako pag nagkataon na naabutan ko pa ang party nila. Hehe. Hindi pa talaga ako nakaka-experience na Christmas party ng isang malaking kumpanya. Ngunit okay lang naman yun. Last year, simple lang talaga ang naging party namin. Dahil nga maliit lang ang kumpanya namin, kumain lang kami sa labas, pagkatapos, nag-videoke kami. Simple lang pero masaya. Nakaka-miss. Ang masaya kasi sa isang maliit na kumpanya, mas malaki ang chance na magiging magkakaibigan kayong lahat. Hay… Naiiyak ako pag naaalala ko. Sana dumating yung panahon na maging magkakatrabaho uli kaming lahat. Hindi na ako magaalinlangan pa, sasama uli talaga ako kapag nangyari yun.

Teka, nawala na ako sa topic ko. Hehe. Nadala nanaman si Rowjie ng kanyang emosyon. Hehe. Pasensya na, malungkot lang talaga kasi ako ngayon. Eto lang ang paraan ko ngayon para makapaglabas ng nararamdaman ko.

Nagsimula na ang simbang gabi nung Linggo. Nagkaroon ako ng chance na maka-attend ng anticipated mass para sa unang simbang gabi sa simbahan sa tabi ng Mall of Asia. Masaya ang naging sermon ng pari. Pero sumama pa rin ako kinabukasan sa aking mga kamag-anak sa pagsimba. Kaya medyo antok ako nung buong araw ng Linggo. Isang beses ko pa lang nakumpleto ang simbang gabi - nung nasa kolehiyo pa ako. Sabi nila, pag nakumpleto mo raw ang 9 na gabi, ay pwede kang humiling at ito ay matutupad. At sa aking experience naman, ito ay natupad. Pero siyempre, ayoko din namang kumpletuhin yung 9 na gabi dahil lang sa wish. Hindi naman yun talaga ang purpose nun diba?

Super traffic na din at dami ng mga tao sa mall ngayon dahil marami pa rin ang namimili ng mga pang regalo sa kanilang mga minamahal. Sa totoo lang, hindi ako nagplano ng araw kung kailan ako mamimili ng regalo. Biglaan lang tuwing nasa mall na ako, pag naisipan kong bumili na. Hehe. Kaya parang medyo nakaiwas ako sa madaming tao. Dagdag pa doon na wala pa akong trabaho kamakailan kaya weekday ako pumunta sa mall. Paalala lang uli, wag sana sa regalo o anumang materyal na bagay ang maging sentro ng ating Pasko dahil hindi naman yun talaga ang rason kung bakit tayo nagdiriwang ng Pasko.

Excited na din ako para sa Noche Buena. Haha. Hindi dahil sa pagkain, pero kakaiba kasi ang pakiramdam kapag ganun. Sa totoo lang, pagkatapos nga nun ay parang ayaw ko na munang matulog. Hehe. Tapos ang sarap makatanggap ng mga Christmas greetings sa text, tsaka yung ikaw din magtetext sa iba ng Merry Christmas. Asar lang kapag pumalpak ang mga mobile networks. Hehehe.

Tradisyon din sa amin na sa bahay kami ng lola ko magsasalo-salo. Kainan, bigayan ng regalo, kwentuhan, kantahan, atbp. Taon-taon din na nagpapaagaw ng barya ang tita ko. Ang saya saya nun kapag inihahagis na niya iyon. Tapos paramihan kami ng barya na makukuha.

Kapag dumadating nga ang gabi ng Disyembre 25, medyo nakakadama ako ng lungkot kasi patapos na ang araw. Ang tagal natin hinintay tapos matatapos agad diba?

Minsan, di rin natin maiwasan ang mga kapwa Pinoy natin kung masaya ba silang magdiriwang ng Pasko. Nakakalungkot pero hindi talaga lahat makakapagdiwang ng masayang Pasko. Pero makakatulong din naman tayo diba? Nakakatuwa dahil tuwing Pasko, marami talaga ang nagbibigayan. Totoo naman yun diba lalo na sa ating mga Pinoy. Pero sabi nga nila diba, sana araw-araw ay Pasko. Kahit sana hindi Pasko, ay magtulungan tayong lahat.

Mga kapwa ko Pinoy, ngayon pa lang ay bumabati na ako ng isang Maligayang Pasko para sa lahat ng mga Pinoy sa buong mundo!

And I’m Telling You, I’m Not Going

Episode #12: Nababasa ko na kamakailan ang tungkol kay Charice Pempengco. Ang alam ko lang eh nagustuhan siya ng mga audience sa Korea ng minsang itong nagperform doon. Noong Linggo ay naabutan ko siya sa ASAP ng ABS-CBN. Tinignan ko kung magaling nga ba talaga siya. At naimpress talaga ako sa performance niya.

Ewan ko. Siguro dahil na din sa mga nangyari sa kanya recently kaya papansinin at papanoorin mo talaga ang performance niya. Pero kung hindi nangyari yung mga yun, papansinin pa rin ba siya ng marami? Hindi ko siya sinisiraan or what. Sabi ko nga, na-impress ako sa performance niya. And I hope na she’ll make it big in the international music scene. Nakakaaliw din dahil na-feature siya sa Daily 10 at gusto siyang makita ni Ellen Degeneres.

Naku, marami din namang umalma kasi sa ibang bansa pa raw napansin yung galing nung bata kaysa dito sa ating bansa. Biglang naging special treatment. Kung hindi ba siya napansin sa ibang bansa, eh papansinin na lang siya ng ganun dito? Bakit ganun noh?

Sa totoo lang, marami talaga tayong magagaling na singers. Madami lang talaga sila kaya minsan di na nabibigyan yung iba ng pagkakataon na mapansin ang kanilang mga talento. Pakiramdam ko na kayang kaya ng mga Pinoy na iinvade ang international music scene. Siguro kailangan lang ng suporta.

Isang Kinabukasan

Episode #11: Kamakailan ay naglabas ang GMA Records ng isang benefit album para sa GMA Kapuso Foundation, ang “Isang Kinabukasan (A GMA Kapuso Foundation Benefit Album)”. Lahat ng proceeds ng album na ito ay mapupunta sa GMA Kapuso Foundation. Kapag binili niyo ito sa halagang 280 pesos, ay may kasama na siyang isang audio CD, at isang video CD kung saan kasama ang music video ng Isang Kinabukasan.

Kaya kung gusto mong makatulong kahit papaano, ay sinusuggest ko na bumili kayo nitong album na ito, may CD ka na, nakatulong ka pa! Hehe. Tamang-tama sa darating na Pasko, at least makakatulong tayo. Or pwede rin natin siyang ipangregalo. Bumili ako dahil ayokong idownload dahil siyempre nakakakonsensya rin diba? Ito pala ang music video ng Isang Kinabukasan. Astig ito.

Sulit na ding maituturing ang pagbili ng album na ito. Kasama sa audio CD ang mga sumusunod na mga awitin, mostly are inspirational songs:

1. Isang Kinabukasan - Various Artists
2. The Gift Inside Of You – Regine Velasquez
3. Forever Be – Jolina Magdangal
4. I Will Be – Janno Gibbs
5. Hindi Diyos Nagbabago, Tao - Sipol
6. My Miracle – Jonalyn Viray
7. Ang Kabataan – Jose Mari Chan
8. One Wish – Charmaine Piamonte
9. Ikaw – Brenan Espartinez
10. Tagumapay Nating Lahat – Jennylyn Mercado
11. Doon – Ivy Violan
12. Alaala Ng Pasko – Wency Cornejo